ҰБТ және ҰБТ ТжКБ-ға дайындық үшін

Ұлттық бірыңғай тестілеу пәндері бойынша тест тапсырмалары Қазақстан Республикасы Білім және ғылым министрлігінің бұйрығымен бекітілген мемлекеттік жалпыға міндетті орта білім беру стандартына, жалпы білім беретін пәндер бойынша оқу бағдарламаларына сәйкес әзірленеді.

2022 жылғы Ұлттық бірыңғай тестілеуге арналған тест тапсырмалары ҚР БҒМ 2013 жылғы 3 сәуірдегі № 115 бұйрығымен бекітілген (ҚР БҒМ 2020 жылғы 27 қарашадағы № 496 бұйрығымен өзгерістер енгізілген) жалпы орта білім деңгейіне арналған жалпы білім беретін пәндер бойынша жаңартылған мазмұндағы үлгілік оқу бағдарламалары негізінде әзірленген.

ҰБТ-ға дайындалу үшін пәндер бойынша тест спецификацияларын, оқулықтарды, тест нұсқаларын басшылыққа алу қажет.

Ескертпе: Типтік үлгілік оқу бағдарламаларына сәйкес білім алушылардың жаңартылған мазмұндағы пәндер мазмұнын толығымен меңгеруі ҚР БҒМ бекіткен оқулықтармен қатар әртүрлі қосымша деректерді қолдану арқылы жүзеге асырылады.

ҰБТ тест спецификациялары

Ұлттық бірыңғай тестілеуге дайындалуға арналған оқулықтар тізімі

Үлгілік тест нұсқалары (ағылшын тілінде)

Үлгілік тест нұсқалары

ТжКБ бойынша үлгілік тест тапсырмалары

«Қазақстан тарихы» пәні бойынша контекстік (мәнмәтіндік) тест тапсырмаларының үлгілері

2022 жылғы Ұлттық бірыңғай тестілеу «Қазақстан тарихы» пәні бойынша бір нұсқада 15 тест тапсырмасынан тұрады: 1-ден 10-ға дейін – бір дұрыс жауапты таңдауға арналған тест тапсырмалары, 11-ден 15-ке дейін – контекстке негізделген бір дұрыс жауабы бар тест тапсырмалары.

Контекст тұтас және тұтас емес (сурет, график, диаграмма, кесте және т.б.) мәтін түрінде беріледі. Контекстік тапсырмалар пән бойынша терең білімді, ақпаратты талдау сияқты кең ауқымды дағдылар мен қабілеттерді бағалайды.

«Қазақстан тарихы» бойынша контекстер «тарихи тұлға», «тарихи карта», «сызба», «тарихи құжат» түрінде болады.

«Тарихи тұлға» контексті – көрнекті тарихи тұлғаларды сипаттай отырып, тарихи дәуір мен қазіргі шындықты байланыстыруға, сонымен бірге бірнеше дереккөздерден алынған тарихи деректермен дәлелдей отырып тарихи тұлғаларды салыстыра білуге мүмкіндік береді.

«Тарихи карта» бойынша контекст – тек нақты тарихи уақытты анықтауға ғана емес, сонымен қатар оларды оқшаулауға да, яғни белгілі бір аймақпен байланыстыруға мүмкіндік береді. Тарихи оқиғалар мен құбылыстарды оқшаулай білу (локализация) тарихи үрдіс пен оның заңдылықтарын дұрыс түсінуге ықпал етеді.

«Сызба» бойынша контекст – Қазақстан тарихы пәні бойынша алған білімді қолдана алуға, салыстыруға, қорытынды шығара білуге мүмкіндік береді.

«Тарихи құжат» бойынша контекст – бірнеше дереккөздерден алынған нақты тарихи фактілерді интерпретациялауға, талдауға, тұжырым жасауға ықпал етеді.

Үлгі:

ҒҰНДАР

Аммиан Марцеллин ғұндар туралы

Ғұндар күндіз түні аттан түспейді, сауда-саттығын да ат үстінде жүріп жасайды. Олар елеулі істер жайында кеңесуіне тура келгенде, олар мәслихатты да ат үстінде отырып жүргізеді. Ғұндар киіз үйлермен көшіп, өмірін сонда өткізеді.

Прииск ғұндар туралы

«Сарай шеберлікпен өңделген бөренелер мен тақтайшалардан салынып, әсем безендірілген. Биік мұнаралар патша сарайының сәнін келтіріп тұр». «олар соғыстан кейін тыныш әрі қамсыз тіршілік етеді, әркім қолында барымен қанағат етеді».

Ежелгі ғұндар мен юэчжилер туралы қытай деректері

Б.з.д. I мыңжылдықтың басында Орталық Азияны мекендеген тайпалар жартылай көшпелі мал шаруашылығымен айналысып, скифтік мәдениетке ұқсас мәдениетті игеріп, арбалы көлікпен көшіп-қонып жүрді. Ежелгі Қытай жазбаларында Қытайдың солтүстік шығыс жағын мекендеген жундер (цяндар) туралы айтылады.

Б.з.д. V ғасырдың соңында бұрынғы жундердің орнына Орталық Азияда көшпенділердің күшті бірлестігі – ғұндар (қытайша "сюнну") мен юэчжилер пайда болды. Юэчжилер – шығыс скиф (сақ) тайпаларына жатады. Б.з.д. IV ғасырда қытайлықтар өздерінің қарсыластарының арасында ғұндарды алғаш рет атайды.

11. Ғұндар туралы деректер кездеседі

А) Грек тарихшыларының мәліметтерінде

В) Рим тарихшыларының жазбаларында

С) Көне үнді жазбаларында

D) Орыс жылнамаларында

Е) Көне парсы деректерінде

12. Ғұндар бірлестігі құрылған аймақ

A) Алтайдан Тынық мұхитына дейін

B) Тибеттен Қытайға дейін

C) Мауереннахрдан Парсы шығынағына дейін

D) Каспийден Қара теңізге дейін

E) Қашғардан Кіші Азияға дейін

13. Прииск пен А.Марцеллиннің деректеріндегі айырмашылық:

А) Діни нанымдарына байланысты деректер беріледі

В) Орналасу аумағына байланысты мәліметтер келтіреді

С) Әскери өнеріне байланысты жетістіктерді анықтайды

D) Тұрмыс-тіршілігіне байланысты екі түрлі деректер беріледі

Е) Қоғамдық құрылысына байланысты екі түрлі мәліметтер айқындалады

14. Ғұндар жорығының тарихи маңызы

А) Еуропаны Рим үстемдігінен құтқаруға әсер етті

В) Мал шаруашылығының таралуына ықпал етті

С) Құлдық қоғамның орнауына әсер етті

D) Кресшілердің Азияға жорығын тоқтатты

Е) Ислам дінінің Батысқа таралуына ықпал етті

15. Мәтін бойынша дұрыс дәйектерді анықтаңыз

I. Ғұндар империясы Манчжуриядан Босфорға дейін үстемдік етті

II. Орталық Азияны жаулап алғаннан кейін Ұлы Жібек жолының едәуір бөлігіне ие болды

III. Ғұндармен юэчжилер арасындағы соғыс ұзаққа созылды

IV. Б.з. IV ғасырда ғұндар Орталық Қазақстанда Юэбань мемлекетін құрды

V. Ғұндар жорығы өзге тайпалардың қозғалысына әсер етті

VI. Ғұндардың жеңу себептері әскери-техникалық басымдылығына байланысты

А) III,V,VI

В) V,II, III

С) III,IV,I

D) I,II,IV

Е) I,IV,V

Ұлттық бірыңғай тестілеуге арналған тест жоспары

® 2010-2022
Барлық құқықтар қорғалған

Мекенжай:
Астана қ.,
Родниковая көшесі 1/1

uto@testcenter.kz

Call center: +7 (7172) 69 50 69
ҰБТ/ЕНТ: +7 (7172) 69 52 80, 69 50 96
ҰБТ/НКТ: +7 (7172) 69 52 63, 69 52 88
Магистратура: +7 (7172) 69 50 97, 69 50 98, 69 52 73
Апелляция ҰБТ/ЕНТ: +7 (7172) 69 52 78
Апелляция ҰБТ/НКТ: +7 (7172) 69 52 58, 69 52 61, 69 52 94
Апелляция (Магистратура) +7 (7172) 69 52 66
ҚАЗТЕСТ: +7 (7172) 69 52 85, 69 52 84, 69 52 96
Кеңсе: +7 (7172) 69 52 67
Мемлекеттік сатып алу: +7 (7172) 69 50 99
Бухгалтерия: +7 (7172) 97 81 82

/postupayushchim-v-vuz/ent/dlya-podgotovki-k-ent-i-ent-tipo/

Біздің @testcenterkz инстаграм парақшамызға жазылуға кеңес береміз!

Закрыть окно